السبت، 16 مارس 2013

المركز الثالث -مسابقة مغامير للقصة القصيرة

كاتبيها "كارول" مش "كارولين" بس عادى .. الدلع مطلوب برضه :D

مش متعودة على السفر صدّة ردة زى كورة الأسكواش كدة ، بالذات فى ظل الظروف العصيبة التى تمر بها البلاد .. بس لما ذهبت التعبة وبقيت الفكرة حسيت بقيمة الزيارة ..


المكان كان متحف أحمد شوقة باشا ... قصور البشوات حاجة تانية برضه ، فى أماكن الواحد بيحس فى حضرتها أنه صعلوك ..

فرحت بالمجموعة "مغامير" ، والوسط الثقافى الراقى الدافى ..


فرحت أنى شفت لبنى لأول مرة بعد معرض الكتاب 2012 .. ماكنتش فاكرة أنها وحشانى كدة غير لما شفتها ! ..
ووعدتنى أن ليهم زيارة فى للمنيا لتوقيع الكتب الجماعية .. خبر زى دا بجد مش مخلينى على بعضى ، أخيراً الحلم هايتحقق !!
ربنا يكمل الموضوع دا على خير ومرسى مايجيش يوم الخميس علشان يلاقوا منيا -مش أطلال المنيا- يزروها ، وبعون الله هاتحلفوا بالزيارة دى عمركم كله .. لما الملكة نفرتيتى تقول كلمة فهى لها ;)

فرحت أنى شفت كيرلس -من الجمعية الفلسفية فى جامعة القاهرة ورئيس تحرير مجلتين تلاتة ثقافية وفلسفية  ومع أنى مش بفهم تلت تربع كلامه ، بس فهمت انه استمتع بالحفلة وعجبته القصة ، وانى شجعته على النشر .. طب قشطة :D

فرحت بالتكريم فى التوقيت دا بالذات .. أنا بجد مؤمنة بالصدفة ، وبجد الوقت دا بالذات ربنا عارف قد إيه أنا كنت محتاجة أى حاجة تلمس -مش حتى ترفع- روحى المعنوية ، فى ظل الضغوط الكتير اللى بتعرضلها ، ومنها الشغل اللى بكتب منه التدوينة دى (سامحنى يارب) .. كمان كنت حاسة أنى هانسحب من الوسط الأدبى ، أو بالفعل انسحبت .. لكن الحفلة جت تزقنى تانى فى الحاجة اللى بعملها بمزاج وأنا بحبها.


المهم إيه بقى ؟؟ المهم أنى مستنياكم فى المنيا بفااااااااارغ الصبر (إيه فارغ الصبر دا ؟؟) ^_^


هناك 20 تعليقًا:

  1. الف مبروك يا كارول

    من نجاح لنجاح

    انا لو كنت اعرف كنت جيت

    عقبال المركز الاول

    تحياتى

    ردحذف
    الردود
    1. شكرا يااستاذ أبراهيم

      أنا كتبت على المدونة ليلتها ، لأنى لأخر وقت كنت مش عارفة هاقدر أنزل ولا لأ
      ونزلت أنا وبابا الخميس نفسه.

      شكرا لذوق واهتمام حضرتك :)

      حذف
  2. عايزينك تكونى مندوبتنا فى المنيا على فكرة :)

    ردحذف
    الردود
    1. ميرسى يامنى

      أنا مندوبتكم فعلاً ,, مش عارفة نوع الانتداب إيه :D
      بس أنا فخورة بيكم جدا ، وبتمنى بجد أشوفكم هنا :)

      حذف
  3. الف مليون مبروك يا كارول

    ربنا يوفقك دايما

    ردحذف
    الردود
    1. شكرا يادكتور مصطفى :)

      ويوفقك أنت كمان :)

      حذف
  4. أحلى وأجدع نفرتيتي والله :)
    ألف ألف مبروك تاني وتاني يا كارول.. مبسوطة ومتوفقة دايمًا يا رب

    ردحذف
    الردود
    1. شكرا يالبنى بجد دا كدة كتير علىّ :)

      بجد بجد مبسوطة جدا أنى شفتك :)

      ومستنياكى فى المنيا عن قريب إن شاء الله.

      حذف
  5. مبروك :)

    ردحذف
  6. مبروك ألف مبروك . وتكوني دايما في نجاح .
    وان شاء الله تكوني المركز الأول في القادم . والقادم بالتأكيدأجمل بكثير .
    تقبلي كامل احترامي وتقديري . دعواتي . تحياتي وتشكراتي

    ردحذف
  7. أيوة كده بقى :-)

    ألف ألف مبروك .. وعُقبال الإعدادية :-)

    ردحذف
    الردود
    1. شكرا يابشمهندس :D
      فكرتنى بعادل إمام فى شاهد ماشفش حاجة .. أنا ناجح فى الثانوية ، عقبال الأبتدائية ... :D

      حذف
  8. أزال أحد مشرفي المدونة هذا التعليق.

    ردحذف
  9. ألف ألف مبرووك يا كارولينا .. أنا كمان انبسطت جدًا بمشاركتك، وإني شفتك وإنك كسبتي :)

    ردحذف
    الردود
    1. هو حضرتك كنت فى الحفلة .؟؟ !! :))

      حذف
  10. آآه ومبسوط إنش شفت مدونتك دي دلوقتي

    ردحذف
    الردود
    1. أنا كمان متابعة مدونتك أنا وأنا .. وإن كنت مش بعلق كتير.

      حذف