مش متعودة على السفر صدّة ردة زى كورة الأسكواش كدة ، بالذات فى ظل الظروف العصيبة التى تمر بها البلاد .. بس لما ذهبت التعبة وبقيت الفكرة حسيت بقيمة الزيارة ..
المكان كان متحف أحمد شوقة باشا ... قصور البشوات حاجة تانية برضه ، فى أماكن الواحد بيحس فى حضرتها أنه صعلوك ..
فرحت بالمجموعة "مغامير" ، والوسط الثقافى الراقى الدافى ..
فرحت أنى شفت لبنى لأول مرة بعد معرض الكتاب 2012 .. ماكنتش فاكرة أنها وحشانى كدة غير لما شفتها ! ..
ووعدتنى أن ليهم زيارة فى للمنيا لتوقيع الكتب الجماعية .. خبر زى دا بجد مش مخلينى على بعضى ، أخيراً الحلم هايتحقق !!
ربنا يكمل الموضوع دا على خير ومرسى مايجيش يوم الخميس علشان يلاقوا منيا -مش أطلال المنيا- يزروها ، وبعون الله هاتحلفوا بالزيارة دى عمركم كله .. لما الملكة نفرتيتى تقول كلمة فهى لها ;)
فرحت أنى شفت كيرلس -من الجمعية الفلسفية فى جامعة القاهرة ورئيس تحرير مجلتين تلاتة ثقافية وفلسفية ومع أنى مش بفهم تلت تربع كلامه ، بس فهمت انه استمتع بالحفلة وعجبته القصة ، وانى شجعته على النشر .. طب قشطة :D
فرحت بالتكريم فى التوقيت دا بالذات .. أنا بجد مؤمنة بالصدفة ، وبجد الوقت دا بالذات ربنا عارف قد إيه أنا كنت محتاجة أى حاجة تلمس -مش حتى ترفع- روحى المعنوية ، فى ظل الضغوط الكتير اللى بتعرضلها ، ومنها الشغل اللى بكتب منه التدوينة دى (سامحنى يارب) .. كمان كنت حاسة أنى هانسحب من الوسط الأدبى ، أو بالفعل انسحبت .. لكن الحفلة جت تزقنى تانى فى الحاجة اللى بعملها بمزاج وأنا بحبها.
المهم إيه بقى ؟؟ المهم أنى مستنياكم فى المنيا بفااااااااارغ الصبر (إيه فارغ الصبر دا ؟؟) ^_^
الف مبروك يا كارول
ردحذفمن نجاح لنجاح
انا لو كنت اعرف كنت جيت
عقبال المركز الاول
تحياتى
شكرا يااستاذ أبراهيم
حذفأنا كتبت على المدونة ليلتها ، لأنى لأخر وقت كنت مش عارفة هاقدر أنزل ولا لأ
ونزلت أنا وبابا الخميس نفسه.
شكرا لذوق واهتمام حضرتك :)
مبروك يا قمر :)
ردحذفعايزينك تكونى مندوبتنا فى المنيا على فكرة :)
ردحذفميرسى يامنى
حذفأنا مندوبتكم فعلاً ,, مش عارفة نوع الانتداب إيه :D
بس أنا فخورة بيكم جدا ، وبتمنى بجد أشوفكم هنا :)
الف مليون مبروك يا كارول
ردحذفربنا يوفقك دايما
شكرا يادكتور مصطفى :)
حذفويوفقك أنت كمان :)
أحلى وأجدع نفرتيتي والله :)
ردحذفألف ألف مبروك تاني وتاني يا كارول.. مبسوطة ومتوفقة دايمًا يا رب
شكرا يالبنى بجد دا كدة كتير علىّ :)
حذفبجد بجد مبسوطة جدا أنى شفتك :)
ومستنياكى فى المنيا عن قريب إن شاء الله.
مبروك :)
ردحذفشكرا يافندم :)
حذفمبروك ألف مبروك . وتكوني دايما في نجاح .
ردحذفوان شاء الله تكوني المركز الأول في القادم . والقادم بالتأكيدأجمل بكثير .
تقبلي كامل احترامي وتقديري . دعواتي . تحياتي وتشكراتي
شكرا شكرا شكرا ^_^
حذفأيوة كده بقى :-)
ردحذفألف ألف مبروك .. وعُقبال الإعدادية :-)
شكرا يابشمهندس :D
حذففكرتنى بعادل إمام فى شاهد ماشفش حاجة .. أنا ناجح فى الثانوية ، عقبال الأبتدائية ... :D
أزال أحد مشرفي المدونة هذا التعليق.
ردحذفألف ألف مبرووك يا كارولينا .. أنا كمان انبسطت جدًا بمشاركتك، وإني شفتك وإنك كسبتي :)
ردحذفهو حضرتك كنت فى الحفلة .؟؟ !! :))
حذفآآه ومبسوط إنش شفت مدونتك دي دلوقتي
ردحذفأنا كمان متابعة مدونتك أنا وأنا .. وإن كنت مش بعلق كتير.
حذف