السبت، 5 مايو 2012

جت لأقول كلمة .. يارب مانسهاش






جئت لأقول كلمة ... وسأقولها
(بس يارب ماسهاش .. وحد يسمعنى من الدوشة)

جئت لأحيا بمجد المحبة بنور الجمال
(بس المحبة بتجف .. اروينى ياربى
والجمال بيتشوه كل يوم جوايا)

فى أعماقى جوع للحب
(جووووووووووع مش بيشبع
ومش هايشبع غير فى الأبدية بالابدية)

آه للحب
(آآآآآآآآه .. للحب فقط مش اى حاجة ممكن نتخبل إننا محتاجينها)

جئت لأكون للكل ... وبالكل
(كنت فاكرة نفسى أقدر بس طلعت قدرة من ربنا بس!)

جئت أتمنى دمعة بها أشارك منسحقى القلوب
(آه ... مش لازم نفقد إنسانيتنا)

وأرجو ابتسامة بها أمجد الله
(أيوة! .. مافيش حاجة تمجد ربنا أكتر من الابتسامة ،
بتقول للدنيا كلها أن وجودها مش مستحيل وسط الظروف
لأن سببها رجاء .. وسبب الرجاء أن ربنا موجود
وطالما ربنا موجود يبقى مافيش حاجة تستحق غير إننا نفرح
ونبتسمممممممممممم :) )

الله ... للكل
(حقيقة ماحدش باين انه مصدقها عمليا ومحتكر الله لطائفته
وبصيغه -حاشا- بفكره)

جبران اللى برة الأقواس وأنا اللى بين الأقواس ^_^

وماجدة الرومى مش عارفة أعمل فيها إيه دى ! .. طيب .. قررنا نحن ننزلها صورة ثابتة على المدونة ونعلنها مطربة المدونة الرسمية .. وهو شرف لو تعلمون عظيم ;p


هناك تعليقان (2):

  1. شرف عظيم
    تستحقه فعلا ماجدة الرومي
    هي بالفعل رائعة

    ردحذف
  2. مطربة خنيقة ودمها يلطش ...هذا بالاضافة الا انها واحدة بتستعر من كون انها من اصل فلسطني ومفهما العالم كله على انها لبنانية بيووور ....وانا بصراحة اللي بيستعر من اهله عمري ما احترمه....ده راي فيها وكل حد حر رايه...تعمليها متربة تعمليها مطربة مدونتك وانتي حرة...ومش معقولة حنخسر بعض عشان متربة

    ردحذف