السبت، 28 أبريل 2012

شكرا بنت على ... وفاء ^_^


فى حاجات بسيطة فى حياة الواحد ...

بيكتشف مع الوقت إنها مش بسيطة خالص !

زى مثلاً مثلاً أن الواحد يعمل مدونة :)

لما عملت المدونة كان هدفى بس أنى أعلق عند الناس التانيين

ماكنتش بنزل بوستات ، ولما كنت بنزّل ماكنش بيبقى عندى تعليقات

الناس التانيين دولن بقى كلهم ماعرفهومش غير باسماءهم التدوينية

وكل شوية أصلاً أسمع عن القبض على المدون فلان واختفاء علان

اللى كان بيخلينى انبهر بالمجتمع التدوينى دا .........

حاجات كتير الصراحة ^_^ كتير قوى ...

كنت بسمع أنهم –قال- بيتقابلوا وبيعملوا فاتعليات زى التبرع بالدم مثلا وغيرها

بس كان بالنسبالى كأنى بسمع عن لقاءات فى كوكب زحل ...

لحظة الإشراق بالنسبة لى كانت معرض الكتاب !

(واللى ودانى معرض الكتاب ككاتبة أصلا المجتمع التدوينى برضه ودى قصة تانية)

كان أول مرة أشوف كان كتير على أرض الواقع كنت فاكراهم زى شخصيات الكارتون كدة ليهم كيان أفتراضى بس زى فريق بيدابول ^_^

بصراحة بصراحة كلهمممممممم ماكنوش زى ماكانوا فى خيالى ...

كنت متخيلاهم أصلا كلهم لابسين أبيض فى ابيض وبيتماهوا فوق الأرض –مش بيمشوا- وهما على ارتفاع لايقل عن 20 سم مع هالات مضيئة حوالين إيديهم ووشوشهم ...

بس طلعوا متنكرين بشكل متقن جدا جدا !!

كل واحد يستحق يتكتب عنه مجلد ...

بس الشخصية اللى عايزة أشكرها النهاردة هى ..

"وفااااااااااااااااااااء"

رحبوا معايا بالنجمة ^_^

وفاء علاقيتى بيها –إلكترونياً- كانت عكس أغلب المدوناااااات المدونــ(ات) ها ؟ :)

كانت عكسيا من الفيس للمدونة مش العكس ، مع أنى كنت متابعو مدونتها من زمان من غير ماأعرفها .. (البركة فى فتيما اللى عاملة طابورين .. طابور حريم وطاربور مش حريم) ^_^

مش هاقول بقى عسولة ولذوذة وكلام البنات الخنيق دا ...

بس كفاية أنها بطعم فريد ، وروحنا جت على بعض ..

إيه بقى موضوع شكرا الليلة دى ؟؟

اللى ماتبعين المدونة لايخفى عليهم إنها زى الخرابة اللى أدوها لسمكرى علشان يأيفها ...

ودا اخرى بقى الصراحة !! بس ... هه !

دايما –رغم محاولاتى المضنية- كانت بتبقى فى تعليقات بتطالب بذوق أو دبشاً أنى أغير التصميم ، أوسع العمواميد أركب سراميك .. حاجات غريبة كدة !

وكان دايما ردى الصراحة يقتصر على مصمصة الشفايف : يارتنى كنت أعرف ياالدلعدى .. العين بصيرة ، والقدرات كدة !

أخر هذة المنشدات كان فى نفس اليوم اللى وفاء فى بعتت دى !


"بصى بقى وده تهديد يتسألي وتعرفي تنسقى مدونتك بحيث انها تريح العين ياما تدينى الباس وورد اظبطهالك وبعدين حضرتك زى الشاطرة تغيرى الباس وورد

حرام المحتوى الجميل بتاعك ده يبوظه التنسيق بتاع المدونة

هه انا حذرتك اهو"

بصراحة أتفاجأت !

مش إنها أعترضت على تنظيم المدونة الفظيع الشنيع ...

لكن لأنها أول واحدة لاتكتفى بالمئـلسة وتعرض المساعدة .. إيه اللى جابرها أصلا ع الغلب دا ؟؟

بعد كدة كان فى بينا حوار طويل تزامن مع أنى ماكنش عندى كى بورد والماوس جاله جنون فيران .. فكنت بكتب بالشفرة !

إضافة لذكائى الخارق أنى فاتحة المدونة من عندى مدياها الميل والباسورد ومستغربة هى ليه مش عارفة تخش ؟؟ ها .. ليه ؟؟؟

المهم إنها بصبر منقطع النظير وَصَلِت المدونة لما هى عليه الآن ! ...

وأظن المدونة تتحدث عن نفسها ، وشغل وفاء فيها ...

أنسوا بقى موضوع المدونة خالص ...

نستوه ؟؟

لأ انسوه بجد ...

إيه بقى اللى مفرحنى ؟؟

أيوة هو دا ^_^

احساس رائع لما تحس أن فى حد بيهتم بيك وبحاجاتك حتى لو أنت مش مهتم بيها ...

وحاجة زى دى :


"ربنا يخليكي يا حبيبتى يا رب، انت فعلا اختى الصغيرة الطعمة اللى بموت فيها وده كان شعورى معاكي اول ما شوفتك فى حفلة التوقيع وبفرح لما بتكتبى حاجة حلوة قوى.. ربنا يزيدك علم وتقدم واهم حاجة يفرح قلبك يا كوكي

عموماً انا كدة ظبط اهم حاجات فى المدونة فى اى وقت عايزة تضيفى شىء تعدلى شىء انا معك ، مش بتضيقينى ولا بتضغطي على خالص انا ببقى مبسوطة وانا بعمل ده

اتفقنا؟"

بالدنيا كلها عندى ...

فلتذهب المدونة والقصص والفيس وكل حاجة إلى الأبد ،

وليبقى الحب الصادق المنزه عن أى حاجة حباً إلهياً أبدياً ...

وفاء .. أنا عارفة أن مش مستنياها ...

لكن ..

شكراً :*

http://www.youtube.com/watch?v=5v7XPEEYYDA&feature=fvst http://static.ak.fbcdn.net/images/blank.gif

هناك 16 تعليقًا:

  1. أيوه كده :)
    الله ينور عليها ، وألف مبروك الشكل الجديد :)

    ردحذف
  2. شكرا P A S H A

    بس حاسب البوية جديدة ^_^

    ردحذف
  3. هههههههههههههه

    ايه الروح الجميلة دى

    بس مش كنتى تكتبى تحذير البوية الاول
    كده البنطلون اللى باظ
    يالله فداكى

    سلام

    ردحذف
  4. كارول..

    مش عارفة اقولك ايه بجد دى حاجة بسيطة وانت تستاهلي كل خير بجد
    بس موافقاكي في شىء إن اهم حاجة إحساسنا ببعض، ويمكن موضوع المدونة كان مناسبة اقولك فيها اني بحبك وانت انسانة جميلة

    دمتِ بكل خير يا كوكي :))

    ردحذف
  5. انا بصراحة جيت من يوم الكشري ومش شايف اي تغيير في الديكور...اكيد ده كان قبل الاسبوع اللي فات....بس الالوان غامقة ليه؟؟؟؟ خلاص احنا ح نكلم مهندسة الديكور الست وفاء بنت على ونقولها ياريت تغييرلنا الالوان وتفتحي الالوان حبة تاني وسيبك من كاندي وذوقها الحزايني....ربنا يخليكو لبعض

    ردحذف
  6. أستاذ ابراهيم رزق ...

    أظن حضرتك كنت شاهد على اللقاء الأول ..
    وفعلا وفاء من الناس الجميلة اللى ماتقدرش غير أنك تحبها.




    وفاء

    أنا كمان بحبك ^_^



    تراكيب

    أزاى مافيش أى تغيير !! .. دا الدنيا غير الدنيا أصلاً
    هى نفس العناصر بس التنسيق مختلف تماماااااااااااا
    لو تفتكر الكلام دا كامود طولى فى النص بس .. والصور كانت واخدة مساحات كبيرة جدا ومش متحددة
    أنا مش ذوقى حزاينى على فكرة .. بس بموووووووووت فى الأزرق .. ووفاء عملته بناء على رغبتى ..
    وشايفة الأسود مديها أناقة ...
    عموما أودك أعود القتامة فى روح المكتوب ^_^

    ردحذف
  7. htt://alharfi.com/upload/pic/boyah.jpg
    Mbroook f3ln gmil awy ano 7ad yl2y ansan mohtm beh akter mn nfso wfa2 asm 3la mosma :)

    ردحذف
  8. مبروك ع النيولوك ...
    تسلم الى اختارته ..
    وربنا يديم الود ما بينكم ... يا حتة الحلويات

    ردحذف
  9. اخيرا بقت مدونتك مدونة ههههههههه
    الف مبروك القالب جميل
    و وفاء جدعة دايما و مش بتتأخر في المساعدة
    ربنا يخليكو لبعض

    ردحذف
  10. جورج عماد يوسف

    شكرا :)
    مش عارفة أفتح اللينك اللى حاطه
    فعلا وفاء اسم على مسمى
    كل مرة تعلق عندى بدخل على مدونتك الاقيك بتتكلم عن النانو تكجولوجى هو هو الموضوع فأنشكح علشان دا مشروع تخرجى ^_^



    فاتيمااااااااااااااااااااااا

    ميرسى ميرسى ميرسى :*
    ربنا يخليكى للمدونين والمدونات ، الحلوين منهم والحلوات
    أنتى كمان فرحانة بمعرفتك قووووووووووووووووووووووووووووى <3


    دكتور مصطفى

    أمال هى كانت إيه ياسيد ؟؟ لن اقبل .. أنهم يشنبرون لنا :I
    وفاء جادعة فعلا
    يارب دايما يخلينا لبعض
    وكل المدونين لبعض

    ردحذف
  11. معلش فى حرف ناقص http://alharfi.com/upload/pic/boyah.jpg
    وبالنسبه لموضوع النانو انا بحب النانو جدا ونفسى ادرسه انا لسا فى اعدادى هندسه وبتمنى انو يكون مشروع تخرجى او اعمل فيه ماجستير وهى كلها احلام :)
    والمدونه انا عملت وحده تانيه http://tfre8.blogspot.com/ ممكن تبصى عليها لو تحبى :)

    ردحذف
  12. جورج .. الله يبارك فيك :D :D :D

    مدونتك التانية حلوة بس هى مافيهاش مواضيع كتير ولا أنا اللى مش عارفة أقلب ؟؟

    حلو أنك تبقى فى حاجة معينة عايزها ، أنا بكالريوس هندسة قسم هندسة كيميائية ومشروع التخرج بتاعى مع دكتور من مؤسسى علم النانو فى ألمانيا ، بينعمل تطبيقات صناعية باستخدام النانو على الصناعات الدوائية.

    لو احتج ت أى حاجة يشرفنى ويفرحنى أنى اساعدك أو اوصلك بحد يساعدك.

    ردحذف
  13. أزال المؤلف هذا التعليق.

    ردحذف
  14. هى عمرها ميعديش الاسبوع وفيها 3 موضوعات ممكن تقلبى من على البار الى فى الجنب شرفنى مرورك :)
    وشكرا على عرض المساعده انا عندى اسئله كتير نفسى اسألها عن النانو خصوصا عن مجال الدراسه الى ممكن يكون مرتبط بيه والشرف ليا انا بجد :)

    ردحذف
  15. شكرا للتوضيح ..

    مرحباً باى أسئلة أو استفسارات ، النانو عااااااالم كبير لكل دارسى العلوم

    ومجال حساس لدارسى الهندسة ..

    أعرف ماذا تريد وأنا على أتم الااستعداد للمساعدة.

    ردحذف
  16. momkn nst5dem ay wsilt messaging lw msh ydi2ek :) da my email (gogohero@hotmail.com) facebook or msn thanks anyway :)

    ردحذف