الجمعة، 30 سبتمبر 2011


حاجة عبيطة ومش مهمة ..
بس بالنسبة لى تاريخية
:)
أنا النهاردة غيرت شكل المدونة لأول مرة من يوم ماعملتها مش عارفة من كام سنة
بتعبر نفسى لسة مبتدئة فى التدوين
لأنى مدونة بليدة ومش "بنجز"
وماليش فى الحركات الإفكتات
ومش بحاول اتعلم
بس من يوم مادخلت عالم التدوين وأنا اتعلمت كتيييييييييير
وكسبت كتير كتير كتير
التغيير -حتى لو فى الشكل بس- أحياناً بيحسس الواحد أنه جرئ !
وكفاية أنه يكسر حواجز
"ماعرفش"
"خايف أغير"
"ماهى حلوة كدة"
"المهم تقضى مصلحة"
....
وأنا النهاردة غيرت فى شكل مدونتى اللى بعتبرها بنتى
أو مكتبى
أو أوضتى
أو أوضة الخزين اللى العنكبوت معشش فيها ومش بدخلها غير علشان الريدر :))
***
النهاردة تغيير فى الشكل
بعده فى الأسلوب
بعده فى التفكير
لحد ما مالقيش منى غير أسمى :)
***
أول ماغيرت المدونة وشفت الجديدة حسيت أن القديمة وحشتنى قوووووووى
:'(
وأنى خاينة
وأنى خايفة !
فدخلت على الــ"سبيد دايل" بتاع أوبرا اللى مسيفة فيه كل المواقع اللى بدخلها كل يوم أكتر من 90 مرة وأخدت صورة المدونة القديمة احطها للذكرى ...
هاتوحشينى ياأغلى سنين الحبو التدوينى
وأهلا بسنين المسك فى التربيظة ومحاولة الوقوف ...
فقط من أجل "الشب" علشان أشوف أبعد
:)

هناك 11 تعليقًا:

  1. مبروك اللوك الجديد
    نقل بلوجرك حيث شئت من الهوى
    ما الحب إلا للحبيب الأولي (:

    بالمناسبة اول مرة أخد بالي من شعار المدونة (كل ظلام الكون...مايقدرش يطفى نور شمعة واحدة...أيوة حتى لو شمعة نبقاها)

    ذكرني بمقولة لهيكل في كتاب الانفجار (ظلام الليل كله لا يستطيع إطفاء شمعة واحدة, فقط يستطيع إذا تحالف مع هبة ريح)

    تحياتي

    ردحذف
  2. :)))
    ميرسى يابشمهندس حاتم
    غالبا أنت جربت الشعور دا برضه
    بس هانعمل إيه .. سُنّة البلوجز :)
    **
    الشعار دا من زماااااان وطلع منى عفوى فى لحظة يأس .. ومارضتش حتى أغير صياغته.
    بس انسبطت أنه طلع شبه حاجة من حاجات الأستاذ :))
    مع أنى دلوقتى واخدة منه موقف
    وبحييك وبحسدك على ذهنك الحاضر ;)

    ردحذف
  3. التغير فى المظهر يدل على بدايه تغير فى الفكر والسلوك او او نيه فى ذلك فدائما التغير يبداء مظهرى
    مبروك عليكى اللوك الجديد

    ردحذف
  4. مبروك شكل المدونة الجديد .. بس خدي بالك لأن مساحة النص قلت ! بقى كأنه عامود في الأهرام :)

    تحياتي

    ردحذف
  5. ميرسى باشا :)
    وإيه يعنى .. هاعبى فيه الكلام برضه زى المحشى :)

    ردحذف
  6. فكرتينى لما انا كمان غيرت شكل مدونتى
    عاوزة اقولك انى لما غيرتها مبقتش عرف امتب فيها
    لإرجعتها تانى ... بعد عناااااااااء طبعا ^_^
    حلو الشكل الجدييد عندك
    بس وسعى المكان بتاع الكتابه شويه :D

    ردحذف
  7. السًلآم عليكُم اختِي .,
    حِلو التغيير في الشكل والتَجديد

    ربي يوففكْ ي قلبي
    دمتي بخير

    ردحذف
  8. كارتوز .. ميرسى
    بس مش عارفة :(((
    ياريت لو حد من اصحاب القلوب الرحيمة يعرف أزاى اوسع عمود الكتابة يقول
    :((((
    جربت كل التصميمات ومانفعتش

    ردحذف
  9. عازفة الألحان ..
    شكراً

    ردحذف
  10. كل سنة و انتى طيبة
    كل سنة و مصر طيبة
    كل سنة و مصر عايشة بمحبة و خير
    فالخير و المحبة من الله
    فالله محبة

    ردحذف