السبت، 3 أكتوبر 2009

حـــلـــــم !




استحملينى...
يوم ما اصرخ فيكى باعلى صوت...
واستوعبينى...
رغم أنى عارف صعب تفهمينى...
واستخدمينى...
لون لكل لحظة فى الحياة...
واعتنقينى...
أنا أصل العقيدة والإيمان...
وعيّشينى...
بين عقلك وقلبك...
وخرّجينى...
من عيونك للوجود...
واكرزينى...
لكل نفس بنفسها ونفسك...
وبسّطينى...
للبشر والمخلوقات...
ولو طلبوا منّك "تعرّفينى"...
قولى "حلم" !.... وماتخافيش...
لا أنتى بتكذبى ولا بتكذّبينى...
لكن العايشين فى أوهام هما منها...
صعب يفهموا الحقيقة فينها...
أو يقبلونى لو بأسمى سمتينى.

هناك 4 تعليقات:

  1. يااااااااه أخيرا بوست بعد طول إنتظار
    بس الحمد لله رجعتلنا بكلام قوي كعادتك
    تحياتي

    ردحذف
  2. ولو إن تاريخ ميلاد "عطرها" بتاعتي في موقع القصة العربية أكبر من "عطرها" بتاعتك بشهرين ونص .. لكني بجد استمتعت ب "عطرها" بتاعتك انتي اكتر بكتير .. الاسترسال الموجود فيها كان رائع والتوقفات اللي بترجعنا للقميض كانت موفقة جدا .. أحييكي عليها بجد

    ردحذف
  3. كنت بأتصفح النت يا كاندى فقلت أتجول فى مدونتك شوية
    طبعا أنا متأخرة عن دى سنتين بس معلش
    قصيدة عامية رائعة
    بجد بجد تسلم إيديكى عليها تحياتى

    ردحذف