سلامى لكل الشموع.........
منــــــــــــوريـــــــــن........
أما بعد ،،،،،،،،،،
من الآخر كدة ياجدعان علشان مالفش وأدور عليكم الموضوع جدّ خطير
وإليكم ما توصلت إليه عد طول البحث والتمحيص(مش التحميص)
" يجب أن تعيش بطل كل لحظة فى حياتك ، وفى كل المجالات"
وبالهداوة كدة ها نقول ليه...........
على سبيل المثال.......
تخيل جندى الحرب قامت
وحارب بشجاعة تحت خط النار....ومات
قصدى استشهد........
يبقى إيه؟؟؟؟؟؟؟ بطل طبعا
وتتعمله نصب وأغانى ومسلسلات وأجازات تدعيله فيها الطلبة
بطل ياجدعان ومن حقه.............
لكن تخيلوا أن الجندى ده قال "أنا مش عايز أكون بطل ولا شهيد.........مش عايز أغانى و بوكيه ورد كل سنة مرة من مندوب الرئيس......هو العمر بعزقة ......أنا أخد ديلى فى سنانى وأقول يافكيك.............."
تفتكروا هانقول عليه إيه؟؟؟؟؟؟؟
خائن...
نذل...
جبان...
عميل...
.................(شتايم وحشة)
==========================>
شفتم بقى يعنى البطولة واجب وفرض ، مش بالمزاج
وأنت لو فى مكان الجندى ده يجب يجب يجب يجب.....أن تكون بطل
ولا توجد خيارات أخرى (أو طمامات)
وصلت الفكرة؟؟؟؟؟؟؟؟؟؟؟؟
طب مثال تانى علشان اللى ماكنش واخد باله (ومش هاقول غير ماكنش واخد باله)
الأم اللى لسة كنا بنحتفل بعيدها
ست الحبايب........ياست يا فدائية ياللى قضيتها هى تجعل حياتى هنية
وعلشانك النهاردة الدنيا كارت معايدة ملاه الربيع قدامنا بمليون ألف وردة.........
إلى أخر الأغانى من أول فايزة أحمد إلى المجموعة في "بعد الحب ده إيه"؟؟؟؟؟؟؟؟؟
عظيمة الأم دى فعلا و(بطلة)
ست بتضحى فى عز شبابها بصحتها وجمالها
ووقتها وطموحتها علشان أولادها ...بطلة بطلة يعنى
بس تخيلوا لو ست بعد ما خلفت مااستريحتش للمشروع
قالت "لأ مش عايزة ابقى أم خلاص رجعت فى كلامى"!!!!!!!
"خدوا أبنى ودوه أى ملجأ ،وأنا أعيش زى أى ست ماعندهاش أولاد"!!!!!
هانقول عليها إيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
.............................................................
لأ لأ عيب الشتايم دى يا شباب
طب ليه بنقول أو بنفكر كدة ، مع أنها ماعملتش حاجة غلط أكتر من أنها اتنزلت عن دور البطولة وخرجت من تحت الأضواء وأختارت تعيش حياة عادية من غير بطولات وصولات وجوالات..............
...........................
...........................
..........................
قيسوا على كدة بقى كل المواقف البطولية فى الحياة من أقلها لأكبرها لأشهرها لأغربها لأسهلها لأصعبها......
هتلاقوا ن لو بطل من الأبطال العظماء اللى بنبجلهم كان أختار أنه مايبقاش بطل
كان مش اينفع يكون غير بطل..........لأن البطولة فرض ............وواجب ...........ولا محيص منها
واحنا كماااااااااااااااان
ماقدمناش اختيار
" لن يمكننا الحياة إلا كأبطال"
ولاأنت رأيك إيه؟؟؟؟؟؟؟؟؟؟؟؟؟
بجد كلامك جميل و رائع
ردحذفو بيلمس كل انسان فينا
بس فى حاجه مهمه لازم ناخد بالنا منها و هى اختلاف الزمن و الظروف و طبيعة البشر
الزمن بقى صعب و الثقافات اختلفت من جيل لجيل
و ده بيغير كتير فى فكر الناس و طريقة حياتهم
اكيد البطوله شئ جميل و خصوصا ان يكون كل انسان بطل فى حياته مهما كانت ظروفها
بس ايه هو مقياس البطوله ف زمن الانسان بيصارع فيه علشان يعيش حياه كويسه
بجد الكلام رائه و ارائك ممتازة و تستحق كل تقدير
كلام حلو جداً
ردحذفالبطولة فعلاً واجب و وفرض بس فيه حدود لكل واحد ممكن يقف عندها
فيه إعتبارات لازم الواحد ياخدها في حساباته لما يجي ياخد أي قرار
ممكن يقول نعم و ممكن جداً يقول لأ
ميرسى ياأنج ويا أبرار
ردحذفيا أنج:
فعلا الزمن أتغير والحياة بقت أصعب
لكن القيم المطلقة جوهر الأنسان مابتتغيرش زى الحب والصداقة.........
وياأبرار: