الجمعة، 27 مارس 2009

بصوا بقى دى مجرد بداية

سلام ياجماعة ياللى مش عارفة أنتوا مين و فين و ليه!!!!!!!!
انا كاندى....
حد يقولى كاندى ليه؟؟؟؟؟؟
كاندى اختصارا لكاندل يعنى شمعة
وشمعة دى رمز للدور اللى نفسى أقوم بيه من موقعى هذا
وكاندى كمان بلغة الفرنجة يعنى "حلوى"
وده امتداد لنفس الدور
حد فاهم حاجة؟؟؟؟؟؟
ماشى ولا أنا
يعنى ببساطة كدة
بحلم أنا وكل اللى يستريح فى المكان ده
أننا نكون شمع
ننور فى زمن بقى ظلمة حااااااااالكة
ونبقى حتة حلوى نحلى طعم الأيام اللى بقت مرة علقمة
(إيه رأيكو فى الكلام الكبير ده :) )
الشمعة و حتة احلاوة فى متوافر أى انسان
فقير أو غنى ......
طفل أو شاب أو عجوز
وده الهدف الضمنى
يعنى أننا نبقى لكل الناس طول وقت
...................
...................
مش هاقول أكتر من كدة دلوقتى لحد ما اقرا تعليقاتكم

هناك 7 تعليقات:

  1. ان انسان يلاقى انسان
    ويتكلموا بخصوص انسانيهم
    وإيه اللى ممكن يعملوه لباقى الناس
    اللى تاه منها انها انسان
    ده فى حد ذاته انجاز انسانى

    ردحذف
  2. بجد اكتر من رائع
    و كلام جميل اوى بس يا ترى هل ممكن يكون ده سهل ؟
    ياريت نقدر فعلا نكون شموع تنور لكل الناس
    لكن للاسف اللى بيكون شمعه الزمن بيطفيه قوام
    بيطفيه غرور الناس و طمعهم و حبهم للدنيا
    و ساعات بنطفيه احنا جوه نفسنا باليأس
    ياريت نبتدى ولو بدايه صغيره بخطوة
    نعرف ازاى ننور الشمعه من جوانا

    ردحذف
  3. هاى eng
    أولا احب ارحب بيك/بيكى
    لأنك أول حد يعلق على تدونتى
    الأولى فى مدونتى
    ثانيا:أكيد ده مش سهل
    لكن ادينا هانساند بعض
    وبعدين احنا مش عايزين نبقى سبوتات مسارح
    كفاية يدوب نبقى شمعة صغيرة
    ولو الزمن طفانا أو غرور الناس
    أو حتى يأسنا
    وحد حس من جواه أنه دخن وهايطفى
    احنا هنا علشان نسند بعض
    الواحد لما يبقى لوحده بيحس أن الدنيا كلها عليه
    لكن لو لقى حد يشاركه الهدف أسلوب الحياة و يشجعه
    أكيد أكيد هايسمر وينور أكتر و أكتر
    ميرسى تانى ليك
    وسيعدة بجد بتعليقك

    ردحذف
  4. nice blog

    http://egtravel.blogspot.com

    ردحذف
  5. ميرسى لمشاركتك ياهيكتور

    ردحذف
  6. مدونه جامده اوى وفكره لذيذه صعب ان حد يلاقيها فالضلمه الى احنا عيشين فيها

    ردحذف
  7. ميرسى خالص ياجورج
    واتنمى انى اساعم فى انحسار الضلمة ولو
    مساحة ضؤ شمعة

    ردحذف